Ae Des Se Aanay walay bata..

Beautiful poetry written by Ahmad Faraz in the mesmerizing voice of Abida Parveen. The poetry reflects feelings of the poet who is far from homeland and his desperation to know about his friends and fellows. He inquires from a visitor from his beloved homeland in these beautiful and touching words!



Oh Des se aanay walay bata
kis haal mein hain yaran-e-watan,
Woh bagh-e-watan firdos-e-watan
Kia ab bhi wahan ke baaghon mein mastana hawaien aati hain?
Kia ab bhi wahan ke parbat per ghanghor ghataein chaati hain?
Kia ab bhi wahan ki barkha'ein waisay hi dilon ko bhaati hain?
Oh des se aanay walay bata
Woh sheher jo hum se choota hai,
Woh shehr hamara kaisa hai?
Sub log hamein pyaray hain magar,
Woh jaan se pyara kaisa hai?
Oh des se aanay walay bata
kia ab bhi watan mein waisay hi sarmast nazaaray hotay hain?
kia ab bhi sohani raaton mein woh chand sitaray hotay hain ?
Hum khail jo khaila kertay thay ab bhi woh saray hotay hain?
Oh des se aanay walay bta
Shab bazm-e-hareefaan sajti hain?
Ya sham dhalay so jatay hain?
Yaaron ki basar auqaat hain kia?
Her anjuman aara kaisa hai?
kia ab bhi mehektay mandir se naqus ki awaz aati hai?
kia abhi muqaddas majid per mastana azan tharraati hai?
kia ab bhi wahan ke panghat per
panhariyaan pani bharti hain?
Angrai ka naksha ban ban ker,
sub mathay per gaagar dharti hain?
or apne gharon ko jatay huay,
Hansti hui chohrein kerti hain?
Oh des se aanay walay bata
Mehran lahoo ki dhaar hua?
Bolab bhi kia gulnar hua?
kis rang ka hai darye-e-attock?
Ravi ka kinara kaisa hai?
Ae des se aanay walay magar,
Tum ne to na itna bhi poocha,
Woh qavi jisay banvas mila,
woh dard ka maara kaisa hai?
Oh des se anay walay bata
kia ab bhi kisi ke seenay mein,
baaki hai hamari chah bata?
kia yaad hamein bhi kerta hai,
ab yaaron mein koi aah! bata!
Oh des se aanay walay bata
lillah bata lillah bata!