Usay hum yaad ayenge.
kisi se saath jab choota,
usay hum yaad ayenge.
Abhi to urr raha hai woh nai chahat ke par le ker,
Jo us ka Par kabhi toota,
usay hum yaad ayenge.
usay jis per yaqeen hai aaj to iman ki had tak,
wohi nikla jo kal jhoota,
usay hum yaad ayenge.
us ke ashk palkon se chune ga kon phir jaane,
Kisi se woh kabhi rootha,
usay hum yaad ayenge.
Muhabbat ke safar mein har koi mukhlis nahi milta,
kisi rahzan ne jab loota,
usay hum yaad ayenge!
No comments:
Post a Comment