Art from within...

Art from within...

Nahiin nigah mein manzil to justuju hi sahi (Abida sings Faiz Ahmad Faiz)

Nahiin nigah mein manzil to justuju hi sahi,
 nahi wisal mayassar to aarzoo hi sahi.


Na tan mein khoon faraham na ashk aankhon mein,
Namaz-e-shoq to wajib hai bewuzu hi sahi. 


Kisi tarha to jamay bazm may-kaday walo,
nahiin jo baada-o-saaghar to hao-hoo hi sahi. 


Gar intezar kathin hai to jab talak ae dil! 
kisi ke waada-e-farda ki guftugu hi sahi. 


Dayaar-e-ghair mein mehram agar nahi koi 
to Faiz zikr-e-watan apne ru baru hi sahi.

Jo ruk jao to tanha ho

Kuch panchi jhund mein urtay hon,
aur rasta bhi kuch mushkil ho,
kuch dur ufaq pe manzil ho,
Ik panchi ghayal ho jaye.

Or be-dum ho ker gir jaye,
To rishtay naatay pyaray sab,
Kb is ki khatir ruktay hain?

is dunya ki hai reet yahi,
Jo sath chalo to sath bohat
Jo ruk jao to tanha ho!

(Author: Unknown) Shared by my wonderful friend Irum!